21 От ыйа 21.07
  • 28°
  • $ 88,02
  • 96,04

Кыыллаахтар кырдьаҕастарын куһунан күндүлээтилэр

23:57, 21 мая 2018
Текст:
Читайте нас на
Яндекс Новости
ЯДВ

Өлүөхүмэ улууһун Кыыллаах нэһилиэгэр быйылгы сылы Ыччат сылынан биллэрбиттэрэ. Онон сибээстээн, нэһилиэк урут даҕаны көхтөөх ыччата хаһааҥҥытааҕар даҕаны күүскэ турунна. Бүгүн, саха сайыны көрсөр, күөххэ үктэнэр бырааһынньыгын – Ньукуолуну көрсө, нэһилиэк ыччата кырдьаҕастарын куһунан күндүлээтэ.

edersaas.ru

Үтүө холобуру саҕалыырга этиини Кыыллаах орто оскуолатын социальнай педагога Полина Максимова көтөхпүт үһү диэни истэн, төлөпүөнүн булан сибээстэһэ сырыттым. Онуоха Полина Еремеевна: “Бэҕэһээ үөһээ бүлүүлэр кырдьаҕастарыгар кус түҥэппиттэр үһү диэн батсаабынан ааҕан, дьон дьонтон үөрэнэр диэн санаанан салайтаран, омук тылын учуутала Светлана Николаевна Желлаевалыын этии көтөхпүппүт. Нэһилиэк исписэлииһэ Ольга Родионовна Сильвестрова бэрт түргэнник ыччаттарга тиэрдэн, бачыымы маҥнайгынан Никанор Максимов өйөөн, биир чаас иһигэр номнуо отучча кус хомулунна”, — диэн үөрэ-көтө кэпсиир.

Хомуллубут куһу Ньукуолун да ардаҕын аахсыбакка, эмиэ олохтоох ыччаттар, Даппарай өртүгэр — Александр Слепцов, Владимир Павлов, Кыыллаахха — Алексей Корнилов, Георгий Корнилов, Михаил Кельбинов, уопсайа, уонтан тахса бэтэрээҥҥэ дьиэлэринэн кэрийэ сылдьан сарсын сиир кустарын түҥэппиттэр.

Кырдьаҕастар үөрүүлэрэ муҥура суох. Ньукуолуҥҥа кус миинэ иһэр буоллубут дэһэллэр. Үтүө үгэһи ыччат батыһара үчүгэй холобур.

 

Людмила ПОПОВА, “Саха сирэ” хаһыат, edersaas.ru

 

1

0
Следите за самым важным и интересным в Telegram-канале и WhatsApp-группе ЯСИА