16 От ыйа 16.07
  • 23°
  • $ 87,81
  • 95,78

Кулун тутар 23 күнүттэн тас дойдулартан кэлбит дьон кылгас кэмҥэ үлэлэриттэн тохтотуллаллар

Читайте нас на
Яндекс Новости
ЯДВ

Кулун тутар 23 күнүттэн, бүтэһик икки нэдиэлэ иһигэр тас дойдулартан кэлбит дьон кылгас кэмҥэ үлэлэриттэн тохтотуллаллар. Тустаах быһаарыыны Ил Дархан Айсен Николаев эттэ.


Өрөспүүбүлүкэҕэ коронавирус тарҕаныытын сэрэтии уонна хонтуруол боппуруостарынан суһал штаб мунньаҕар Айсен Николаев иһитиннэрбитинэн, бүтэһик икки нэдиэлэҕэ тас дойдуларга сылдьыбыт дьон кулун тутар 23 күнүттэн быстах кэмҥэ үлэлэриттэн тохтотуллаллар.

«Кулун тутар 23 күнүттэн бары үлэ биэрээччилэр бүтэһик икки нэдиэлэ иһигэр тас дойдулартан өрөспүүбүлүкэҕэ кэлбит дьону үлэлэригэр тахсалларын боболлоро уонна кылгас кэмҥэ үлэлэриттэн уураталлара ирдэнэр. Бу дьон Роспотребнадзорга уонна СӨ доруобуйа харыстабылын министиэристибэтигэр суһал линия нөҥүө бэйэлэрин тустарын тириэрдэллэрэ уонна уопсастыбаттан туоратыллаллара булгуччулаах», — диэн вице-премьер Ольга Балабкина иһитиннэрдэ.

Маны тэҥэ уопсастыбаттан туоратыллыы эрэһиимин кэмигэр атын дьону кытта алтыһыы булгуччу бобулларын тоһоҕолоото, диэн НВК «Саха» суруйар.

Следите за самым важным и интересным в Telegram-канале и WhatsApp-группе ЯСИА