Өктөм агрооскуолатыгар мүөттээх ыҥырыаны иитиинэн дьарыктаналлар. Оскуола дириэктэрин солбуйааччы Петр Федоров СИА-ҕа этэринэн, бу дьарык кылгас кэм иһигэр ороскуоту толуйарын, мүөтү оҥорон таһаарыы доруобуйаҕа туһалааҕын таһынан, барыстаах бизнес буоларын этэр.
Хас да сыллааҕыта оскуола салалтата оҕолор тыа хаһаайыстыбатыгар интэриэстэрэ кыччаабытын бэлиэтии көрбүттэр. Ону туоратар туһуттан мүөттээх ыҥырыаны иитиинэн дьарыктанар туһунан быһаарыыны ылбыттар.
2013 сыллаахха Хаҥалас улууһун баһылыгын өйөбүлүнэн Башкирияттан мүөттээх ыҥырылары ылбыттар. Онно ороскуоттаммыт 400 тыһ.солк. сезон иһигэр төттөрү эргийбит.
«Мүөттээх ыҥырыалары иитии — умсугутуулаах дьарык. Ону таһынан науканан бигэргэммит дьоһун тирэхтээх. Сатабылы, үөрүйэҕи ардыгар алҕаһаан баһылаатыбыт», —диир Петр Федотов.
Агроскуолаҕа саҥа саҕалааччыларга анаммыт куурустар, семинардар, маастар-кылаастар ыытыллыбыттар. Сорохтор Өктөмҥө сылдьан баран, кэтэх дьыаланы аһан үлэлэтэллэр.
«Ыҥырыалар биирдиилээн буолбакка дьиэ кэргэнинэн ааҕылаллар. 6-8 кылаас оҕолоро кинилэри олус сонурҕаан көрөллөр-истэллэр», — диир дириэктэри солбуйааччы.
Тыа хаһаайыстыбатынан дьарыктанар оскуола эксперименнэри оҥорор, саҥа быһаарыылары көрдүүр. Ол курдук, кинилэр үүннэрбит култууралара мүөтү оҥорууга эрэ буолбакка, кырыс буору минералларынан уоҕурдар, тупсарар. «Саха сиригэр бу сэдэх дьарык. Онуоха биһиги үөрэнэбит уонна атыттары үөрэтэбит» — диэн Петр Федотов бэлиэтиир.
