Ааспыт сууккаҕа өрөспүүбүлүкэҕэ эбии 45 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 20 – Дьокуускайга, 4 — Мииринэйгэ, үс Таатта, иккилии киһи Нерюнгри, Үөһээ Бүлүү, Мэҥэ-Хаҥалас, Ньурба, биирдии — Абый, Алдан, Дьааҥы, Бүлүү, Горнай, Ленскэй, Нам, Өлөөн, Хаҥалас, Чурапчы улуустарыгар ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар.
Суукка иһигэр лабораторияларга 3252 тест оҥоһулунна, пандемия саҕаланыаҕыттан барыта — 355 712.
