18 Тохсунньу 18.01
  • -48°
  • $ 73,82
  • 83,32

Коркин турнирын кылаабынай судьуйата: Саха сирин арбитырдара үрдүк таһымнаахтык үлэлээтилэр

15:20, 05 октября 2016
Текст:

Дмитрий Коркин сырдык кэриэһигэр анаммыт норуоттар икки ардыларынааҕы IX-с турниры кэтээн көрбүт, сыаналаабыт арбитырдар улахан профессионал буолалларын көрдөрдүлэр. Ити туһунан СИА-ҕа күрэхтэһии кылаабынай судьуйата Солтан Засеев эттэ.


«Дмитрий Коркин бирииһигэр турнир хара саҕаланыаҕыттан ыла үлэлиибин. Итинтэн аҕыһыгар кылаабынай судьуйа быһыытынан үлэлээн кэллим. Быйылгы күрэхтэһии үрдүк таһымнаахтык барда. Манна биһиги кыраһыабай тустуу бастыҥ ньымаларын, албастарын көрдүбүт. Урукку өттүгэр сахалар кыһыл көмүс мэтээли барытын кэриэтин ылар этилэр. Быйыл икки эрэ маннык мэтээли ыллылар. Ити күрэхтэһии спортсменнарын таһымнара балысханнык үрдүү турарын туоһута», — диэн СИА-ҕа Солтан Засеев эттэ.

Кини инники турнирдарга өссө элбэх дойдуттан спортсменнар кыттыахтарын туһунан эттэ.

«Арбитырдар бука бары, ол иһигэр Саха сирин киэннэрэ идэтийбиттэрин, үлэлэрин тилэри баһылаабыттарын дьэҥкэтик көрдөрдүлэр. Күрэхтэһиилэр иннилэринэ кинилэр тустаах тургутууну ааспыттара, бииргэ үлэлиир коллегаларын кыраҕытык кэтээн көрдүлэр. Сыыһа-халты, алҕас тахсыбата. Саха сирин көрөөччүлэрэ кыраһыабай уонна чиэһинэй тустууну биһирииллэр», —диэтэ Засеев.

0
0
18 января 18.01
  • -48°
  • $ 73,82
  • 83,32