Саха сиригэр халлаан сылыйан муус суоллар сабыллаллар. Тырааныспар министиэристибэтэ иһитиннэрбитинэн, эппиэттээх сирэйдэринэн рейдэлэр уонна патруллааһыннар өрүстэргэ буолаллар.
Көҥүлэ суох мууска тахсыбыт суоппары ыстараап күүтэр. Биирдиилээн дьоҥҥо — 3 — 5 тыһ солк, дуоһунастаах сирэйгэ — 20 — 50 тыһ солк, тэрилтэҕэ – 100 тыһ — 1 мөл солк диэри.
Санаттахха, ааспыт өрөбүллэргэ тырааныспар бары көрүҥэр Дьокуускай — Аллара Бэстээх, Кангаласс – Суотту хайысхаларынан муус суолунан айан бобуллубута.
