20 Атырдьах ыйа 20.08
  • 14°
  • $ 59,13
  • 59,39

«Үйэ оҕолоро» тус сыаллаах хапытаалы аныыр туһунан 2310 быһаарыы ылылынна

Саха сиригэр ыам ыйын 1 күнүнээҕи туругунан «үйэ оҕолоро»тус сыаллаах хапытаалы аныыр туһунан 2310 быһаарыы ылылынна. ЗАГС дьаһалтатын дааннайынан, тохсунньу 1 күнүттэн муус устар 30 күнүгэр диэри өрөспүүбүлүкэҕэ оҕо төрөөһүнүн туһунан 3591 аакта регистрацияламмыт. Олортон 1852 уол уонна 1739 кыыс, диэн регион баһылыгын уонна бырабыыталыстыбатын пресс- сулууспата иһитиннэрэр.

Санатан эттэххэ, Саха сирин аҕа баһылыга Айсен Николаев уурааҕынан «үйэ оҕолоро» тус сыаллаах 100 тыһыынча солкуобай суумалаах хапытаал 2022 сыл тохсунньу 1 күнүттэн ахсынньы 31 күнүгэр диэри төрөөбүт уонна өрөспүүбүлүкэ сиригэр-уотугар бэлиэтэммит оҕолорго барыларыгар ананар.
Тус сыаллаах хапытаалы ыларга эбии докумуон толорор наадата суох, төрөөһүн туһунан докумуоҥҥа олоҕуран бэриллэр. Бу төрөппүттэргэ саамай тоҕоостоох – кинилэр эбии докумуоннары хомуйбаттар, сайабылыанньа биэрбэттэр.

Төрөппүттэр тус сыаллаах хапытаалы Арассыыйа үрдүнэн дьиэ кэргэн сынньалаҥар туһаныахтарын, кирэдьиит тэрилтэлэригэр кылаатынан киллэриэхтэрин, оҕо олоҕун уонна доруобуйатын харыстыахтарын сөп.

Маны таһынан, бу харчыны ийэ хапытаалын курдук эмиэ туһаныахха син. Холобур, дьиэ- уот усулуобуйатын тупсарыыга, оҕону үөрэхтээһиҥҥэ, тырааныспар ыларга, тус хаһаайыстыбаны сайыннарыыга, ол иһигэр тыа хаһаайыстыбатын тиэхиникэтин атыылаһыыга, үрдүк технологиялаах медицинскэй көмөҕө, медицинскэй уонна социальнай реабилитациялааһыҥҥа, санаторнай-курортнай эмтээһиҥҥэ, ол иһигэр өрөспүүбүлүкэ тас өттүгэр айан төлөбүрүн киллэрэн туран, эмп атыылаһыыга эмиэ туһанар көҥүллэнэр.

Следите за самым важным и интересным в Telegram-канале и WhatsApp-группе ЯСИА
0
0