Дьокуускайга полиция үлэһиттэрин рейдэлэрин кэмигэр итирдэр утаҕы көҥүлэ суох атыылаабыт сэттэ түгэн бэлиэтэннэ. Ол туһунан ИДьМ Саха сиринээҕи салаатын пресс-сулууспата иһитиннэрдэ.
Полиция учаастактарга боломуочуйалаахтара уонна сокуоннай саастарын ситэ илик оҕолору кытта үлэ иниспиэктэрдэрэ Можайскай, Кржижановскай, Семен Данилов, Билибин, Чиряев уонна Дзержинскай ааттарынан уулуссаларга турар маҕаһыыннар атыыһыттара итирдэр утаҕы сокуону кэһэн туран атыылаабыттарын туттулар — олохтоох бириэмэнэн киэһэ 20.00 чаас кэннэ.
Маны сэргэ Дзержинскай аатынан уулуссаҕа полициялар 46 саастаах Киргизия олохтооҕо дьахтар бэйэтин массыынатыттан итирдэр утаҕы атыылыы турарын туттулар. Массыына иһин бэрэбиэркэлиир кэмҥэ итирдэр утах булулунна уонна былдьанна.
Быраабы кэһээччилэргэ административнай боротокуол оҥоһулунна.
Биэдэмистибэ өрөспүүбүлүкэҕэ итирдэр утах атыыта олохтоох бириэмэнэн 20.00 — 14.00 чааска диэри бобуулааҕын өссө биирдэ иһитиннэрэр.
