Исиидэр Бараахап пааматынньыгын Үөһээ Бүлүүгэ саҥа искибиэргэ туруордулар

Пааматынньык тутуутун оройуон урукку баһылыга Владимир Поскачин көҕүлээбитэ. Билигин кини Саха сирин парламенын дьокутаата.

Бүлүү эбэ тиэмэтигэр оҥоһуллубут саҥа искибиэр олохтоохтор сынньалаҥнарыгар уонна түмсэн кэпсэтэллэригэр аналлаах. Манна оҕо былаһаакката, хачыал уонна сылы эргиччи үлэлиир  павильон баар.

Хаартыска: LETO киин

Үөһээ Бүлүүгэ тутуллубут бырайыак Россия куонкуруһугар бастаабыта.

Саха сирэ уопсайа 7 сыл иһигэр 26 кыайыыны ылбыта, манна 1,8 млрд солк көрүллүбүтэ.