2018 сыл кулун тутар ый саҥатыгар “Иркутскгеофизика” АУо үлэһитэ Нерюнгрига полиция сотруднигар административнай кэһиини – ирдэнэр габариты тутуспакка, ыарахан уйуктаах массыынанан сылдьыытын иһин боротокуол толотторумаары 5 тыһыынча солкуобай бэрик биэрэ сатаабыт.
Полиция сотруднига ону ылартан аккаастаммыт. Нерюнгри борокуратуурата “юридическай сирэй туһатыгар дуоһунастаах киһиэхэ харчы биэрэ сатааһын” административнай дьыаланы көбүппүт.
Мировой судьуйа уурааҕынан тэрилтэҕэ 500 тыһыынча солкуобай кээмэйдээх ыстараап олохтоммут, диэн борокуратуура пресс-сулууспата иһитиннэрэр.
СИА.
