20 От ыйа 20.07
  • 19°
  • $ 88,02
  • 96,04

Ил Түмэн Ольга Балабкина өрөспүүбүлүкэ бырабыыталыстыбатын бэрэссэдээтэлин солбуйааччы дуоһунаһыгар ананыытын өйөөтө

11:24, 16 октября 2018
Текст:
Читайте нас на
Яндекс Новости
ЯДВ

Ил Түмэн алта кэмитиэтин дьокутааттара   Ольга Балабкина өрөспүүбүлүкэ бырабыыталыстыбатын бэрэссэдээтэлин солбуйааччы дуоһунаһыгар  ананыытын өйөөтүлэр. Санатан эттэххэ, бу эбээһинэһи кини бэс ыйын 13 күнүттэн толорор.

“Ольга Валерьевна биһиги өрөспүүбүлүкэтээҕи сокуоннаспыт атаҕар туруутугар уонна сайдыытыгар оруола тугунан да кэмнэммэт. Кини көхтөөҕүн уонна өрөспүүбүлүкэ социальнай бэлиитикэтигэр туһуламмыт сокуоннары ылыныыга кыттыытын бэлиэтиибин”, — диэн Ольга Балабкина кандидатуратын өрөспүүбүлүкэ Ил Дархана Айсен Николаев билиһиннэрдэ.

Бырабыыталыстыба бэрэссэдээтэлин солбуйааччы быһыытынан Ольга Балабкина социальнай эйгэни сүрүннүөҕэ. Манна доруобуйа харыстабылын, наука, каадырдары аттаран туруоруу, үлэ көмүскэлин, биэнсийэнэн хааччыйыы, култуура, тыл бэлиитикэтэ уонна үөрэхтээһин киирэллэр. Маны сэргэ өрөспүүбүлүкэ демографиятын, дьиэ кэргэнин уонна ыччатын бэлиитикэтэ, судаарыстыбаннай уонна муниципальнай сулууспа уонна олохтоох салайыныы киириэхтэрэ.

“Биһиги иннибитигэр өрөспүүбүлүкэ Ил Дархана туруорбут соруктарын толорор кыах бэриллэр”, — диэтэ Ольга Балабкина норуот дьокутааттарыгар.

Следите за самым важным и интересным в Telegram-канале и WhatsApp-группе ЯСИА