Биир сыл анараа өттүгэр «О северном завозе» федеральнайдааҕы сокуон күүһүгэр киирбитэ. Дискуссия кытыылаахтара судаарыстыбаннай өйөбүл миэрэлэригэр ороскуоту аччатыыга, ол иһигэр бюджет кирэдьиитигэр, чэпчэтиилээх тарыып, хотугу тиэйии-таһыы логистикатын сааһылааһыҥҥа.
«Гаджимагомед Гаджибуттаевичка Россия үбүн министиэристибэтин кытта хотугу тиэйиини-таһыыны атыылаһыыга бюджет кирэдьиитигэр биирдиилээн лимииккэ үлэни ыытыыгыт иһин махтанабын. Быйыл биһиги 3,1 млрд солк ылбыппыт, ол уматыгы-энергетиканы хааччыйыыга үлэлиир тэрилтэлэр ресурсаларын атыылаһалларыгар субсидия быһыытынан бэриллибитэ», — диэтэ Айсен Николаев.
Хаартыска: Андрей Сорокин, ЯСИА
Ил Дархан хотугу тиэйии-таһыы механизмын тупсарыыга инникитин федеральнайдааҕы бюджеттан бэриллэр кирэдьиит болдьоҕун уһатар туһунан эттэ. Ол эбэтэр үс сылтан биэс сылга диэри. Ыраах, суола-ииһэ ыарахаттардаах территорияларга ресурса эргиирэ уһун болдьохтооҕун учуоттуур наадатын эттэ. Маны сэргэ кини федеральнайдааҕы бюджеттан хотугу тийэии-таһыы бырагырааматын чэрчитинэн тырааныспар ороскуота субсидияланара суолталаах буоларн эттэ.
Айсен Николаев флоту саҥардыы наадалааҕын ыйда. Кини Саха сиригэр Жатайдааҕы судоверфь бастакы түһүмэҕэ тутуллан бүтэн эрэрин кэпсээтэ. Сүрүн болҕомтону Саха сирин Арктикатын улуустарыгар атыы-логистика кииннэрин оҥоруу бырайыагар хатаата. Кини Илини сайыннарыы министиэристибэтигэр бу көҕүлээһини өйүүллэригэр махтанна.
Хаартыска: Андрей Сорокин, ЯСИА
Сиһилии https://ysia.ru/glava-yakutii-predlozhil-mery-po-sovershenstvovaniyu-mehanizma-severnogo-zavoza/
