Саха сириттэн сулууспалыы сылдьар Александр Федоров ыарахан балаһыанньаҕа түбэспитэ: дэлби тэптэриигэ түбэһэн, атаҕа икки сиринэн бааһырбыта, ириҥэрэн барбыта. Бэйэтэ ампутацияланар быһаарыныы ылынар. Ол туһунан кини Ruptly видеоааҕыныстыбаҕа кэпсээтэ.
Федоров этэринэн, атаҕа бааһырбытын кэнниттэн, 5-7 хонон баран, сытыйан барар. Киниэхэ быһаҕа суох буолан, тыыннаах хаалаары, ийэтигэр биэрбит эрэннэриитин толороору, автоматынан ампутациялыырга быһаарынар. Байыас атаҕын уҥуоҕун илдьиритиэр диэри 20-чэ ытыалыыр.
«Мин ийэбэр соҕотох оҕобун, өлүөхпүн сатаммат. Мин ийэбэр син биир кэлиэм диэн эрэннэрбитим. Эрэннэрбиппин толордум», — диэн Федоров кэпсээтэ.
Бииргэ сулууспалааччылара кинини бу кэм устата өйөөбүттэрэ. Байыаһы 10 эрэ хонон баран эвакуациялыыр кыахтаммыттара.
