Саха норуотун биир халбаҥнаабакка тутуһар үгэһэ –кырдьаҕастарга ытыктабыллаах, сүгүрүйүүлээх сыһыан уонна көмөлөһүү буолар. Билигин ханна да кыһын, сайын иһэргэ анаан муус ылыытын үгэнэ.
Сэтинньи 7 күнүгэр баһылык Александр КОНСТАНТИНОВ, аҕа түмсүүтүн салайааччыта Андрей СКРЯБИН, бибилэтиэкэр Ньургуйаана ЛЕБЕДЕВА быһаччы көҕүлээһиннэринэн нэһилиэк аҕалара, эр дьоннор муус ыллылар. Эр хоһууттар Ньургун Захаров, Михаил Егоров, Дьулус Васильев, Иннокентий Прокопьев, Ярослав Никитин, Дмитрий Львов, Александр Петухов, VIII кылаас үөрэнээччитэ Антон Петухов, Александр Скрябин, Александр Мартынов уонна Дмитрий Кондаков нэһилиэк 12 кырдьаҕас ыалларыгар уонна соҕотох олорооччуларга икки массыынанан, барыта 14 рейс ыраас мууһу буор босхо таһааран биэрдилэр. Аҕам саастаах дьон көмө ылан махталлара улахан.
Биһиэхэ сахаларга үтүө санааланыы, кимҥэ эмит туһалаах буолуу өйдөбүлэ баар. Ол эбэтэр бу орто дойдуга олорорум тухары, мутугунан быраҕар муҥур үйэм усталаах-туоратыгар мин кимҥэ эмит, туохха эрэ кыра да буоллар туһалаах буолуохтаахпын диэн. Маны нэһилиэктэрбитигэр баар аҕалар түмсүүлэрэ олус үчүгэйдик өйдүүллэр уонна үтүө санаанан салайтараннар көмөлөһөллөр.
Ааптар: Уйбаан Уйгуурап, ханаласгазета.рф
