Нерюнгри оройуонун Иенгратыгар 40-тан тахса сыл олунньу бүтүүтэ, кулун тутар ый саҕаланыыта көс табаһыттар биир сиргэ мусталлар. Сыл бастыҥ бырааһынньыга «Хуктывун-2020» эбэҥки национальнай нэһилиэгэр тэриллэр.
Иенгра эбэ кытылыгар олохтоох табаһыттар мустан, бастыҥ табаларын сүүрдэллэр.
Кыра оҕолорго күрэхтэһии туспа тэриллэр. Санатар эбит буоллахха, бу 13-с сырыылара. Ол эбэтэр бастакы оонньууларга кыттыбыттар билигин улаатан, биллэр табаһыт, булчут, норуот хаһаайыстыбатын эйгэтин исписэлиистэрэ буоллулар. Ол иһин оҕолорго анаммыт тэрээһин — эппиэтинэстээх, төрөппүттэргэ уонна аймахтарга эксээмэн кэриэтэ.
Оҕолор сүүрдүүлэригэр миэстэлэстилэр:
Көлүүр табаҕа:
– Уолаттарга: 1 м – Артем Ломаев, 2 м – Константин Александров, 3 м – Александр Александров;
– Кыргыттарга: 1 м – Александра Кириллова, 2 м – Ксения Васильева, 3 м – Динара Колесова.
Уучахха:
– Уолаттарга: 1 м – Владимир Леханов, 2 м – Виталий Гаилеров, 3 м – Ден Сигаев;
– Кыргыттарга: 1 м – Александра Кириллова, 2 м – Кристина Кириллова, 3 м – Карина Сигаева.
Уопсайга:
– Уолаттарга: 1 м – Эдуард Александров, 2 м – Артем Ломаев, 3 м – Павел Гаврилов;
– Кыргыттарга: 1 м – Ксения Васильева, 2 м – Людмила Семенова, 3 м – Александра Кириллова, кини оҕолорго 2020 сыллааҕы муҥутуур кыайыылаах ааты ылла.
Үбүлүөйдээх бырааһынньыкка элбэх култуурунай дьаһал тэрилиннэ.
Эр дьоҥҥо 50 көлүүр стартка таҕыста, дьахталларга — 38. Кыайыылааҕынан бэтэрээн табаһыт Леонид Егорович Кулбардинов. Кини сүрүн бирииһи — 50 тыһ солк сертификат тутта. Уопсай стартка Олег Владимирович Семёнов кыайда. Дьахталларга бары көрүҥҥэ Оксана Николаевна Семёнова (Рассошных), кими да иннигэр түһэрбэтэ.
https://ulus.media/2020/03/16/v-iengre-otmetili-den-olenevoda-huktyvun-2020/
