Бэҕэһээ, муус устар 11 күнүгэр, Дмитрий Медведев Госдуумаҕа отчуоттаата. Саха сириттэн дьокутаат Галина Данчикова РФ бырабыыталыстыбатын бэрэссэдээтэлэ Уһук Илин ситиһиилээх сайдыытын тоһоҕолоон бэлиэтээбитин эттэ.
Галина Данчикова РФ бырабыыталыстыбатын бэрэссэдээтэлин отчуотун комментарийдыырыгар Дмитрий Медведев Уһук Илин ситиһиилээхтик сайдарын туһунан эппитин бэлиэтээтэ. “Уһук Илини салгыы сайыннарар миэрэлэргэ тохтууругар Дмитрий Медведев айылҕа уустук усулоубуйалаах сирдэригэр-уоттарыгар, ол иһигэр Уһук Хоту дойду оройуоннарыгар федеральнай киинтэн өйөбүл салгыы баар буолуо, сүрүн болҕомто Уһук Илин олохтоохторун олохторун усулуобуйата тупсарыгар ууруллуоҕа диэтэ. Биһиги, Саха сирин олохтоохторо, итини үөрэ иһиттибит”, — диэн санаатын үллэһиннэ Галина Данчикова.
СИА
