20 От ыйа 20.07
  • 18°
  • $ 88,02
  • 96,04

Хатыҥ Арыы спортсменнара Москваттан Кубоктаах кэллилэр

11:18, 22 декабря 2018
Текст:
Читайте нас на
Яндекс Новости
ЯДВ
Ахсынньыга Москва куоракка XX аан дойдутааҕы үгэс буолбут «Золотой заяц» турнир ыытылынна. Бу тэрээһини Виктор Викторович Зайцев  уонна Лариса Вадимовна Боровинская иилээн-саҕалаан ыыппыттара ырааппыт. Доруобуйаларыгар хааччахтаах дьоҥҥо ыытыллар күрэх сыллата таһыма үрдээн, ыыра кэҥээн иһэр. 

Турнирга алта тас дойдуттан — Таджикистантан, Казахстантан, Узбекистантан, Киргизстантан, Украинаттан уонна Россияттан 40-чэ эрэгийиэн кытынна. Саха сириттэн 11 киһилээх дэлэгээссийэ: Нам, Уус Алдан, Чурапчы, Мэҥэ Хаҥалас, Хаҥалас, Ньурба улуустарыттан, Граф Биэрэгин инбэлииттэрин уопсастыбатын председателэ  Марина Литвинова салайан, Гаврил Макаровтыын баран кыттыыны ыллылар.
Кыттааччылар армрестлинг, бодибилдинг, гиирэ, дартс күрэхтэһиилэригэр кытыннылар. Бастакы күҥҥэ армреслиҥҥэ Мария Соломонова  3-с миэстэ буолбут. Иккис күн бэтэрээннэргэ двоеборьеҕа Мария Соломонова 2-с миэстэ, Гаврил Макаров уҥа илиитинэн киирсиигэ чөмпүйүөн, хаҥас илиитинэн киирсиигэ 3-с миэстэ, двоеборьеҕа 2-с миэстэ буоллулар. Светлана Гаврильева уҥа илиитинэн киирсиигэ 3-с миэстэ,  Марина Литвинова икки илиитинэн киирсиигэ 4-с миэстэ буоллулар. Быйыл үбүлүөйүнэй тэрээһин буолан, 1-кы, 2-с, 3-с миэстэлээхтэргэ иккилии мэтээли туттардылар.
Уопсай түмүккэ Саха сирин хамаандата «ультра-мастера ветераны» анал аакка 3-с миэстэ буолла. Хамаанда чөмпүйүөннээх буолан, тириэньэр  кубок ылла. Марина Дмитриевна бу иннинэ Дьокуускай куоракка ыытыллыбыт инбэлииттэр балларыгар «За вклад в развитие адаптивного спорта» бэлиэни туппута.
Ааптар: Надежда Сивцева
Следите за самым важным и интересным в Telegram-канале и WhatsApp-группе ЯСИА