Саха сирин бүддьүөтүттэн Амма улууһун олохтоохторугар 21 мөлүйүөн солкуобай көрүлүннэ. Маны сэргэ сэттэ мөлүйүөнтэн тахсаны биир дойдулаахтар аһымал аахсыйаларыгар хомуйбуттара.
“Айылҕа идээнэ таһаарбыт хоромньутун аахтыбыт. Өрөспүүбүлүкэ бүддьүөтүттэн хоромньуну толуйууга 21,3 мөлүйүөн солкуобай көрүлүннэ. Итинтэн хайы-үйэ 13 мөл солкуобайы бас билиилэригэр докумуоннара толору баар аммаларга ыытылынна. Атыттар харчыны суут процедуратын кэннэ ылыахтара. Биһиги үбүнэн көмөлөспүт дьоҥҥо махтанабыт”, — диэн СИА-ҕа Амма улууһун баһылыгын бастакы солбуйааччы Иннокентий Климентов иһитиннэрдэ.
Дьулустаан Сергеев.
