«Бүгүн, бэс ыйын 11 күнүгэр, саамай куйаас күн. Күнүскү температура +30 кыраадыс. Ити эрээри арҕаа оройуоттарга тымныы атмосфернай фронт кэлбитинэн, Ленскэйгэ күүстээх ардах түһэр. Салгыы Бүлүү бөлөх оройуоттарыгар уонна өрөспүүбүлүкэ арҕаа өттүгэр тиийиэҕэ. Бэс ыйын 12 күнүттэн тымныы фронт киин улуустарга чугаһыаҕа. Чэппиэргэ быстах ардах, этиҥ, тыал күүһүрэр кэмигэр 15–20 м/с. Температура +25… +27 кыраадыс», – диэтэ Татьяна Маршалик.
Бээтинсэҕэ, бэс ыйын 13 күнүгэр, киин улуустарга быстах ардах, температура +21…+23. Субуотаҕа уонна баскыһыанньаҕа Дьокуускайга уонна киин улуустарга тымныйар. Былыттаах, кэмиттэн кэмигэр кыра ардахтаах, +16… +18 кыраадыска диэри тымныйыаҕа.
Бэс ыйын 16 күнүгэр Саха сирин үгүс өттүгэр сөрүүн күн-дьыл туруоҕа, миэстэлэринэн — нуорматтан тымныы, түүнүн хаһыҥныаҕа.
