Горнай оройуонун Орто-Сурт нэһилиэгэр итии ситимнэрин ууруу үлэтэ түмүктэнэн эрэр. Киин ититиигэ Саха сирин баһылыгын сорудаҕынан барыта 25 олорор дьиэ холбонуоҕа.
«Производственнай филиал биир тыһыынчаттан тахса погоннай миэтэрэ уһуннаах ититэр ситимнэри ууруу үлэтин түмүктүүр түһүмэҕэр үлэлээн эрэр. Саҥа туһанааччылары холбуур туһугар «Кыбартаалынай» хочуолунай кыамтатын улаатыннарар туһунан быһаарыы ылыллынна, — диэн «СӨ ОДьКХ» ГУП генеральнай дириэктэрэ Виталий Чикачев иһитиннэрдэ.
Өрөспүүбүлүкэтээҕи ОДьКХ пресс-сулууспатыгар өрөмүөн бырагырааматынан эргэни саҥа хочуолунайынан солбуйдулар уонна эбии туруордулар диэн чуолкайдаатылар. Оттук сезонугар дьиэлэр бары холбонуохтара.
