12 От ыйа 12.07
  • 20°
  • $ 87,99
  • 95,68

Галина Данчикова: «Азия оҕолоро» оонньууга бэлэмнэнии болдьоммут кэмигэр түмүктэниэхтээх

11:13, 24 февраля 2016
Текст:
Читайте нас на
Яндекс Новости
ЯДВ

Бу сайын Дьокуускайга ыытыллар «Азия оҕолоро» норуоттар икки ардыларынааҕы VI-с спортивнай оонньуу туһунан бырабыыталыстыба бэрэссэдээтэлэ Галина Данчикова куорат баһылыгын Айсен Николаевы кытта дьүүллэстилэр.

Айсен Николаев ыытлылла турар үлэ: тупсарыы, хаарбах дьиэлэри көтүрүү, суолу-ииһи оҥоруу, о.д.а тустарынан иһитиннэрдэ. От ыйын 1 күнүгэр диэри куорат Автодорожнай, Дежнев, Тургенев, Пушкин ааттарынан уонна Олимпийскай дэриэбинэҕэ чугас сытар уулуссалары өрөмүөннүөхтэрэ. Куораты тупсарыы, көҕөрдүү боппуруостара ураты миэстэҕэ тутуллуохтара. «Саха сирин спуордугар буолар бэлиэ түгэҥҥэ өрөспүүбүлүкэ киин куората спортивнай күрэхтэһии кыттыылаахтарын уонна ыалдьыттарын дьоһуннук көрсөргө бэлэм буолуохтаах», — диэтэ Галина Данчикова. Кини этэринэн, быйылгы VI-с оонньууга хаһааҥҥытааҕар да элбэх спортсмен кэлиэхтээх. 4 500 эдэр спортсмен, тренер, хамаанда чилиэннэрэ, 700 тахса судьуйа, 2 тыһ. тахса волонтер оонньууга кыттыахтара.

Айсен Николаев эппитинэн, олорор дьиэлэр тас өттүлэрин оҥоруу, тупсаҕай көстүүлээх конструкциялары тутуу бырайыактара бигэргэммиттэр. Үлэ былаанын, болдьоҕун быһаарыы түмүктүүр түһүмэххэ кэлбит. Спортивнай оонньууга бэлэмнэниигэ сквердэри, сынньанар сирдэри тупсарыыга, тратуардары оҥорууга ураты улахан болҕомто ууруллуоҕа. Бастакы үлэлэр бу күннэргэ саҕаланыахтара.

Галина Данчикова бигэргэммит болдьоҕу кэспэт туһунан, улахан тэрээһиҥҥэ диэри дьылы-кэми көдьүүстээхтик туһанарга эттэ.

Следите за самым важным и интересным в Telegram-канале и WhatsApp-группе ЯСИА