Саха сирин Ил Дарханын уонна Бырабыыталыстыбатын дьаһалтатын салайааччыта Федор Борисов өрөспүүбүлүкэ норуодунай дьокутаата Станислав Мазеины кытта көрүстэ. Кэпсэтии кэмигэр парламентарий Алдан оройуонун баһылыгын праймериһыгар кыттарын туһунан иһитиннэрдэ.
Станислав Мазеин 1969 с. Алдан оройуонугар Аллараа Кураанахха күн сирин көрбүтэ. Новосибирскайдааҕы судаарыстыбаннай педагогическай университеты бүтэрбитэ.
Үлэтин автослесарь үөрэнээччитинэн саҕалаабыта, “Якутдортранс” ПТ Кураанахтааҕы автобаазатын 2 уонна 3 разрядтаах автослесарынан, “Содружество” тэрилтэҕэ каменщигынан, “Алданзолото” тэрилтэҕэ прокатчигынан, “Гранит” тэрилтэҕэ мэхээнньигинэн, Аллараа Кураанах бөһүөлэгэр ОДьКХ кылаабынай инженеринэн үлэлээбитэ.
2003 сылтан урбаанньыт.
“Биир ньыгыл Россия” баартыйа чилиэнэ.
2016 сыл бэс ыйын 15 күнүттэн “Биир ньыгыл Россия” баартыйа Саха сиринээҕи регионнааҕы салаатын Томмоттооҕу регионнааҕы бөлөҕөр Саха Өрөспүүбүлүкэтин норуодунай дьокутаатын боломуочуйатын толорор.
СИА.
Мария Васильева түһэриитэ
