Саха сирин 2026-с уонна онтон кэлэр сылларга бюджетын көрүүлэр икки ардыларыгар федеральнай дотация элбээһинэ ситиһилиннэ. Ол бюджеты тэҥнииргэ уонна сүрүн кыһалҕалары быһаарарга көмөлөһөр. Ол туһунан “Саха Сирэ, иннибит диэки!” телебиэриигэ регион баһылыга Айсен Николаев кэпсээтэ, ЯСИА иһитиннэрэр.
«Бүддьүөт төһө да уустугун иһин, социальнай хайысхатын оннунан хаалларда, 345 млрд солк.тахса ороскуоттаахпыт, олортон аҥара — үөрэх, культура, доруобуйа харыстабыла, оҕолоох ыаллары өйөөһүн уонна да атыттар. Биллэн турар, боппуруостар элбэхтэр. Биллэн турар, бу 2024 сыллааҕы бюджеты судургута суох толоруу, 2025 сыллааҕы уратылары кытта сибээстээх. Ити 2026 сыл бюджетыгар эмиэ биллэр. Маны тэҥэ, бырабыыталыстыбаҕа, парламеҥҥа бииргэ конструктивнай үлэлэрин иһин махтанабын. Сөбүлэһиннэрэр хамыыһыйалар бастакы уонна иккис ааҕыылар икки ардыларыгар олус үчүгэй таһымҥа үлэлээтилэр, бырабыыталыстыбаттан уонна норуот депутаттарыттан 700-чэкэ араас көннөрүүлэр киирдилэр. Олор бары көрүллүбүттэрэ, сорохторо ылыллыбыттара. Уопсайынан, бюджет билигин ылыллыыта диэн олус улахан суолталаах, наадалаах», — диэтэ Айсен Николаев.
Салгыытын манна ааҕыҥ.
