20 Атырдьах ыйа 20.08
  • 13°
  • $ 59,13
  • 59,39

Европа чемпионатыгар Россия тустууга сүүмэрдэммит хамаандата кыттыбат буолла

17:33, 01 марта
Текст:

Венгрияҕа кулун тутар бүтүүтүгэр буолуохтаах тустууга Европа чемпионатыгар Россия сүүмэрдэммит хамаандата кыттыбат буолла. Ол туһунан спортивнай тустуу федерациятын президиэнэ Михаил Мамиашвили эттэ. Хамаандаҕа Саха сириттэн Виктор Рассадин киирэр, суруйар СИА.

«Биһиги федерациябыт, Россия тустуутун уонна Россия чиэһин ханнык баҕарар статуска көмүскүүргэ туруулаһарга бэлэм. Ити эрээри Россия тустууга хамаандата Будапештка буолар Европа чемпионатыгар кыттыбат буолла. Биһиги спортсменнарбыт уонна тренердэрбит олохторун кутталга киллэриэ суохтаахпыт», — РИА-новости Михаил Мамиашвили тылларын тириэртэ.

Европа-2022 чемпионатыгар барыыга сүрүн  претенденынан саха тустууга Виктор Рассадин (70 кг диэри) баар. Кини быйыл сыл саҕаланыытыгар Иван Ярыгиҥҥа Гран-при ылбыта. Маны сэргэ Турцияҕа рейтинговай турнирыгар призердаабыта.

Норуоттар ардыларынааҕы олимпийскай кэмитиэт спортивнай федерацияларга Россияттан уонна Белоруссияттан норуоттар ардыларынааҕы күрэхтэһиилэргэ спортсменнары ыыппат туһунан эппитэ. Кинилэр «нейтральнай статуска» эрэ кыттыахтарын сөп.
Следите за самым важным и интересным в Telegram-канале и WhatsApp-группе ЯСИА
0
0