18 От ыйа 18.07
  • 18°
  • $ 88,09
  • 96,3

Евро курса 2016 сыл кулун тутарыттан бастакытын 80 солкуобайы аһарда

16:03, 12 апреля 2018
Текст:
Читайте нас на
Яндекс Новости
ЯДВ

Дойду сонуну киэҥник тарҕатар ааҕыныстыбалара иһитиннэрэллэринэн, муус устар 11 күнүгэр Москватааҕы биржа аһыллыытыгар доллар курса солкуобайга туһааннаан 1,74 үрдээн, 64,76 солкуобайга тэҥнэстэ. Итинэн доллар курса 2016 сыл ахсынньы 5 күнүттэн бастакытын 64 солкуобайы аһарда.


Туор дааннайдарынан, евро курса солкуобайга туһааннаан 2,29 солкуобайынан үрдээтэ итиэннэ 2016 сыл кулун тутарыттан бастакытын 80 солкуобайы аһарда (80,14).

Москва бириэмэтинэн 10.30 чааска солкуобай түһүүтэ арыый бытаарда. Доллар курса — 64, евро курса 79,3 солкуобайга тэҥнэстэ.

Лондоҥҥа ICE биржатыгар Brent мааркалаах ниэп баррелын фьючерыһынан сыаната 0,6 % түһэн, 70,61 доллар (АХШ) буолла.

Экономистар солкуобай тосту түһүүтүн арҕааҥҥы дойдулар Арассыыйаны утары ылыммыт саҥа санкцияларын кытта сибээстииллэр.
Урбаанньыттар, промышленниктар сойуустарын салайааччы Александр Шохин солкуобай түһүүтэ дойду сорох хампаанньаларыгар көдьүүстээх буолуоҕун эппит.

Роман ПОПОВ, “Саха сирэ” хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА