19 От ыйа 19.07
  • 21°
  • $ 87,88
  • 96,1

Электроэниэргийэҕэ сыана чэпчиэн сөбүн Госкомцен бэлиэтиир

12:30, 13 декабря 2016
Читайте нас на
Яндекс Новости
ЯДВ

Уһук Илиҥҥэ эниэргийэ тарыыбын Арассыыйатааҕы орто таһымҥа тэҥнээһин бөдөҥ тэрилтэлэр экономикаларыгар бигэтик дьайыан сөп.


Санатар буоллахха, Саха сирин бырабыыталыстыбатын көҕүлээһининэн РФ Госдумата электроэниэргийэни сүрүннүүр сокуон барылын соторутааҥҥыта бастакы ааҕыыга ырыппыта. Көҕүлээһин Госдума пленарнай мунньаҕын бэбиэскэтигэр киириэр диэри элбэх уонна сыралаах үлэ барбытын Ил Дархан бэлиэтээбитэ.

«Сокуон барыла бастакы ааҕыыны ааста. Сокуон ылыллыбытын кэннэ РФ бырабыыталыстыбатын уурааҕа тахсыахтаах. Ол эрэ кэнниттэн тарыып олохтонор. Биллэр чэпчээһин баар буолар, туох-ханнык иннинэ ол электроэниэргийэни атыылаһар юридическэй сирэйдэргэ сыһыаннаах», — диэн брифиҥҥэ биэдэмистибэ салайааччыта Антонина Винокурова эттэ.

Ситэриилээх былаас федеральнай уоргана хос сокуон аактатын ылыныахтаах, онно тарыып уонна ол кимиэхэ дьайара бигэргэниэхтээх.

«Тарыып оччо-бачча буолуо диэн чопчутук этэр билиҥҥитэ эрдэ. Үрдүк күүрүүлээх эниэргийэни туһанааччылары (бөдөҥ промышленнай тэрилтэлэр) ити таарыйар. Оччотугар «Якутскэнергоҕа» кэлиэ диэн эрэл үөскүүр. Түмүгэр сыана чэпчээһинин бары билиэхпит. Намыһах күүрүүлээх эниэргийэҕэ сыананы чэпчэтэри көҥүллээтэхтэринэ, ити бюджекка да, предпринимателлэргэ да биллиэҕэ», — диир Винокурова.

Сокуон Уһук Илин ороскуотун Арассыыйа орто балаһатыгар хайдах гынан сүктэрэр механизымы сүрүннүүр. Онно нэһилиэнньэ интэриэһэ аахсыллара федеральнай киинтэн быһаччы тутулуктанар.

«Манна чопчутук уонна чуолкайдык эппэппит. Тарыып базовай таһымын холобур, 1 кВт*ч иһин 3,5 солк. диэн быһыахтарын сөп. Маннык буоллаҕына, бу хас биирдии киһиэхэ дьайар. Оттон тарыып ханна эрэ чэпчэки буоллаҕына, ол оннунан хаалар», — диир биэдэмистибэ салайааччыта.

Уһук Илиҥҥэ электроэниэргийэ иһин тарыыбы тэҥнээһин 2017 сыл тохсунньу 1 күнүттэн оҥоһуллара былааннанар.

Следите за самым важным и интересным в Telegram-канале и WhatsApp-группе ЯСИА