18 Тохсунньу 18.01
  • -48°
  • $ 73,82
  • 83,32

Егор Борисов үөрэх уонна наука саҥа миниистирин билиһиннэрдэ

14:06, 05 декабря 2016

Саха сирин баһылыга Егор Борисов үөрэх уонна наука миниистиринэн Владимир Егоровы анаата. Саҥа миниистири билиһиннэрэригэр кини үөрэх, наука эйгэлэригэр элбэх кыһалҕа баарын, ону быһаарарга айымньылаахтык үлэлииргэ эттэ.


Санатар буоллахха, ахсынньы 2 күнүгэр Ил Дархан таһаарбыт уурааҕынан, үөрэх уонна профессиональнай үөрэхтээһин министиэристибэлэрэ холбоммуттара.

Саҥа миниистиринэн анаммыт Владимир Егоров Саха сирин наукаларын дьоҕус академиятын ректора этэ.

min1

Егор Борисов миниистир уонна кини аппараатын көдьүүстээх үлэлэриттэн үөрэх, наука салааларын сайдыылара быһаччы тутулуктаахтарын эттэ.

Владимир Егоровка учуутал анал туругун үрдэтиигэ, ыччаты сиэр-майгы өттүнэн иитиигэ ураты болҕомтону уурарыгар эттэ. Ону таһынан үөрэх хаачыстыбатын үрдэтэр, оскуолалары тутууну салгыы сайыннарар, талааннаах ыччакка уонна оҕоҕо, о.д.а болҕомто ууруллуохтааҕын кини ыйда.

«Учуутал хамнаһыттан саҕалаан үөрэх хаачыстыбатыгар тиийэ кыһалҕа элбэх. Маныаха айымньылаах үлэ ирдэнэр. Владимир Анатольевич туруоруллубут соругу ситиһиэ диэн бүк эрэнэбин», — диэтэ Егор Борисов.

Саха сирин баһылыга урукку миниистирдэргэ Феодосия Габышеваҕа уонна Михаил Присяжнайга махтанна, кинилэр батакы солбуйааччы буолалларыгар этии киирбит. Бүтэһиктэх быһаарыылары экс-миниистирдэр бэйэлэрэ ылыахтара.

min2

Владимир Анатольевич Егоров 1966 сыллаахха Сунтаарга төрөөбүт. СӨ наука уонна тиэхиньикэ эйгэлэригэр судаарыстыбаннай бириэмийэ лауреата, СӨ үөрэҕириитин үтүөлээх үлэһитэ, эбии үөрэхтээһин үрдүк категориялаах уһуйааччыта. СӨ саахымат федерациятын президиумун чилиэнэ. Кэргэннээх, үс оҕолоох.

0
0
18 января 18.01
  • -48°
  • $ 73,82
  • 83,32