18 От ыйа 18.07
  • 17°
  • $ 88,09
  • 96,3

Егор Борисов Хэйлунцзян провинциятын парткомун бастакы сэкирэтээрин Ван Сянькуэйемы кытта көрүстэ

10:13, 15 июня 2016
Текст:
Читайте нас на
Яндекс Новости
ЯДВ

Саха сирин баһылыга Егор Борисов бу күннэргэ Кытайга үлэлиир. Бэҕэһээ, бэс ыйын 14 күнүгэр Хэйлунцзян провинциятын урукку салайааччытын, билигин партком бастакы сэкирэтээрин Ван Сянькуэйемы кытта көрүстэ.


Көрсүһүү кэмигэр өрүттэр регионнарын тустарынан кэпсээтилэр. Егор Борисов Кытай инвестордарын болҕомтолорун үөһүгэр турар хайысхаларга тохтоото. Ол курдук, кини Усуйаана улууһугар Тирэхтээх үрүйэҕэ хорҕолдьун баайдах сири туһаҕа таһаарар бырайыак туһунан сиһилии кэпсээтэ.

Егор Борисов уонна Ван Сянькуэй бу бырайыагы олоххо киллэриигэ анаммыт инвестиционнай сөбүлэһиигэ дуогабар түһэрсиллиэн сөбүн туһунан ырыттылар. Ити Россия уонна Кытай бырабыыталыстыбаларын икки ардыларынааҕы үһүс мунньх чэрчитинэн оҥоһуллуон сөп.

Итини таһынан Саха сирин баһылыга «Китайская железнодорожная корпорация 18 бюро» ХЭТ Өлүөнэ өрүһү туоруур муостаны тутарыгар этии киллэрдэ.

Егор Борисов Ван Сянькуэйемы «Азия оҕолоро» норуоттар икки ардыларынааҕы VI-с спортивнай оонньууга, быйыл балаҕан ыйыгар ыытыллар «Бриллиант нэдиэлэтэ» промо-турга ыҥырда.

Саха сириттэн тиийбит делегация «Хуанань Чэн» Харбиннааҕы атыы-эргиэн киинигэр сырытта. Бу Россия уонна Кытай икки ардыларыгар эргиэн сайдыытын түстүүр муҥутуур улахан стратегическай суолталаах тэрилтэ. Кииҥҥэ Россияҕа наадалаах тутуу матырыйаала, электроника, таҥас-сап, киэргэл, тыа хаһаайыстыбатын бородууксуйата, о.д.а курдук табаар түмүллүбүт. «Хуанань Чэн» атыы-эргиэн киинэ Россия Уһук Илинин кытта атыыны сайыннарыыга тус сыаллаахтык үлэлиир.

Следите за самым важным и интересным в Telegram-канале и WhatsApp-группе ЯСИА
Тутаах тыллар