14 От ыйа 14.07
  • 31°
  • $ 87,74
  • 95,76

Үөһээ Бүлүү Балаҕаннааҕар Аҕа сылын биллэрдилэр

15:10, 08 февраля 2017
Текст:
Читайте нас на
Яндекс Новости
ЯДВ

Бэҕэһээ Үөһээ Бүлүү улууһун Балаҕаннааҕар 2017 сылы Аҕа сылынан биллэрэр туһунан баһылык дьаһала таҕыста. Бу сылга аналлаах тэрээһиннэри ыытарга хамыыһыйа тэриллэн, былааны оҥорон, бу күннэргэ баһылык бигэргэтиитигэр киллэриэхтэрэ диэн edersaas.ru сурулунна.


Степан Дмитриев, Балаҕаннаах баһылыга:

Дьиэ кэргэн олоҕо бигэ тирэхтээх, байылыат буоларын туһугар уонна кэлэр көлүөнэ ыччаппыт инникитин түстүүр сыалтан 2017 сылы нэһилиэкпитигэр Аҕа сылынан биллэрдибит. Ону нэһилиэнньэ үөрүүнэн өйүүр. Манна даҕатан эттэххэ, былырыын нэһилиэкпитигэр эр дьон түмсүүтүн тэрийбиппит. Ол түмсүүбүт кыттыылаахтара субуотунньуктаан, ойууртан мас кэрдэн киллэрэн пилорамаҕа эрбэттэрбиттэрэ. Ону олбуор туттааччылар туһаммыттара. Итини сэргэ, Балаҕаннаахха киириигэ анал тутууну оҥорбуттара. Сүрүн сорукпут, аҕалар статустарын үрдэтии. Кистэл буолбатах, үгүс нэһилиэккэ дьахталлар дьаһайаллар. Оскуолаҕа учууталлар үксүлэрэ эмиэ дьахталлар. Дьаһалтаҕа эмиэ биир оннук. Тоҕо оннугуй? Тоҕо диэтэххэ, эр дьон үксүлэрэ үөрэҕэ суохтар, оробуочайдар. Дьиҥэр, уол оҕону иитиигэ сүрүн оруолу аҕа ыларын умнуо суохтаахпыт. Көрүөҕүҥ эрэ, өрөспүүбүлүкэ үрдүнэн аҕа оруолун үрдэтиигэ үлэни ыыта сатаабыппыт ыраатта эбээт. Ол эрээри, ити улаханнык кыалла илик. Итиннэ хамсааһын таһаарар туһуттан, Үөһээ Бүлүү улууһун үрдүнэн аҕа түмсүүтүн тэрийиэххэ диэн былырыын этии киллэрбитим. Онон, дьэ быйыл, былаан быһыытынан нэһилиэкпитигэр  сыл устата Аҕа сылыгар аналлаах тэрээһиннэри ыытыахпыт.

Ыспыраапка

Балаҕаннаах улуус кииниттэн 25  км ыраах сытар. Нэһилиэнньэтин  ахсаана 300-чэкэ.

Следите за самым важным и интересным в Telegram-канале и WhatsApp-группе ЯСИА