Саха сириттэн төрүттээх Эдуард Григорьев Египеккэ «Ибрагим Мустафа» иккис норуоттар ардыларынааҕы рейтинг турнирыгар кыттар, 65 кг диэри, суруйар СИА.
Рейтинг турнира Александрияҕа олунньу 25–26 күннэригэр буолар. Көҥүл тустууга Европа чемпионатын призера, Чурапчытааҕы спорт оскуолатын выпускнига Эдуард Григорьев аан дойду аренатыгар Польша сүүмэрдэммит хамаандатын кытта тахсар.
Кини ыйааһыныгар, барыллаан, араас дойду 20-тэн тахса спортсмена кыттар. Спортивнай бэлэм киинигэр эппиттэринэн, Григорьев Польшаҕа бэлэмнэниини ааста.
Турнир 48 судаарыстыбаттан 400-тэн тахса спортсмены хабыаҕа.
