Россия дзюдоҕа билиҥҥи чемпионката Аина Моисеева Азербайджаҥҥа буолар «Большой шлем» норуоттар ардыларынааҕы турнирга кыттарга бэлэмнэнэр.
Күрэхтэһии рейтинг таһымнаах, суруйар ЯСИА.
Аина Моисеева Россия сүүмэрдэммит хамаандатыгар киирсэн, турнирга 48 кг диэри кыттар.
Күрэхтэһиигэ 300-тэн тахса кыттааччы былааннанар, 60 дойдуттан.
Дзюдо Федерацията эппитинэн, турнир кыһыл көмүс мэтээлэ 1000 рейтинг баалын биэрэр, үрүҥ көмүс — 700, боруонса — 500.
Киирсии олунньу 16 күнүгэр саҕаланар, 48 кг диэри бастакы күҥҥэ киирсэллэр.
