23 От ыйа 23.07
  • 28°
  • $ 87,78
  • 95,76

Дьону албыннаабыт үс киһини туттулар

12:44, 20 июля 2016
Текст:
Читайте нас на
Яндекс Новости
ЯДВ

36, 27 саастаах эр дьон, 25 саастаах дьахтар дьону-сэргэни улахан суумаҕа албыннаабыттара биллэн тутулуннулар.


Дьокуускай куорат полициятын холуобунай ирдэбилэ быһаарбытынан, түөкүттэр үһүө буолан 2012-2015 сылларга дьоҥҥо дьиэни куортамҥа биэрэн, атыылаан элбэх харчыны уорбуттар. Оперативнай үлэһиттэр албыннааһын 15 түгэнин биллилэр.

«Түөкүттэр дьоҥҥо гражданскай-быраап дьыалатын оҥороллорун курдук итэҕэппиттэр. Полицияҕа киирбит сайабылыанньалартан бу үс киһи холуобунай дьыалаҕа түбэстэ.

Бу чахчынан РФ Холуобунай кодексатын 159-с ыстатыйатын 4-с чааһынан холуобунай дьыала тэрилиннэ. Бу ыстатыйанан көрүллэр накаастабыл миэрэтэ — 10 сылга диэри көҥүлү быһыы», — диэн Дьокуускай куорат полициятыгар эттилэр.

Следите за самым важным и интересным в Telegram-канале и WhatsApp-группе ЯСИА