Муус устар 20 күнүгэр күнүс 2 чаас саҕана Дьокуускай к. Суолга куттал суох буолуутун иниспиэксийэтин дьуһуурунай чааһыгар Белинскэй уулуссаҕа сатыы киһини үлтү көппүттэрин туһунан иһитиннэрии киирдэ.
Тута ДПС патрула уонна суһал көмө массыына биригээдэтэ тиийбиттэрэ. Уҥуоҕа тостуулаах эчэйбит кыыһы балыыһаҕа киллэрбиттэрэ.
Оптуобус суоппара этэринэн, Белинскэй уулуссаттан Кулаковскай уулуссатыгар хаҥас диэки эргийэн эрдэҕинэ, сатыы хааман иһэр кыыс светофор бобор сигналыгар суолу туораабыт. Суоппар киниэхэ сигналлаабыт. Аҕыйах миэтэрэни бараатын кытта оптуобус пассажирдара тохтууругар эппиттэр.
Медчинчийии түмүгүнэн суоппар арыгы испэтэҕэ бигэргэннэ.
Бэрэбиэркэ ыытылла турар.
СИА.
