21 Тохсунньу 21.01
  • -48°
  • $ 73,82
  • 83,32

Дьокуускайга кубалаах күөл баар буолла

15:39, 20 июля 2016

Дьокуускай куорат Стадухин уулуссатыгар баар күөл Дьокуускай куорат кэрэ-бэлиэ миэстэтинэн буолла. Бу күөлгэ кустары, хаастары ыыттылар.


«Байанай» уопсастыбаннай тэрилтэ 2015 сыл бүтүүтэ «Лебединое озеро» бырайыагынан судаарыстыбаттан субсидия ылбыт. Норуоттар икки ардыларынааҕы «Азия оҕолоро» Оонньуу иннинэ манна кустары, соболору олохсуппуттар. Кэтээн көрүү, харыстааһын үлэтэ ыытыллар. Күөл «олохтоохторугар» анаан дьиэлэри туппуттар, көтөрдөр тустарынан билиһиннэрэр стендэни оҥорбуттар.

«Билигин зоопарканы, кэтэх бааһынай хаһаайыстыбалары кытта көтөрдөрү кыһын кинилэргэ илдьэн кыстатар курдук кэпсэтиһии ыыта сылдьабыт. Киэргэлгэ анаммыт кустары Москваттан аҕалар баҕа санаалаахпыт», — диэн «Илгэ» бэчээттиир дьиэ дириэктэрэ, «Байанай» регионнааҕы кулууп салайааччыта Юрий Борисов СИА-ҕа эттэ.

0
0
21 января 21.01
  • -48°
  • $ 73,82
  • 83,32