Саха сиринээҕи епархия Дьокуускай дьаһалтатын уонна гражданскай уопсастыбаны сайыннарыыга министиэристибэ өйөбүллэринэн ыам ыйын 11 күнүгэр III Иаковскай ааҕыылары ыытыаҕа. Бу тэрээһин Дьокуускайдааҕы уонна Бүлүүтээҕи епископ Иаков (Домской) сырдык кэриэһигэр ананар.
Епископ Иаков (Домской) Дьокуускайга саҥа семинария, Спасскай манастыыр иһинэн пансионнаах миссионерскай оскуола, дьахталлар епархиальнай училищелара аһыллыыларын ситиспитэ. Ону тэҥэ таҥара литературатын сахалыы тылбаастааһыҥҥа кылаатын киллэрбитэ.
Ааҕыылар кэмнэригэр “төгүрүк остуол”, научнай-практическай конференция уо.д.а ыытыллыахтара.
СИА.
