Дьокуускайга эбии үөрэхтээһин үлэһиттэрин күнүгэр аналлаах мунньахха РФ уонна Саха сирин судаарыстыбаннай наҕараадаларын регион араас оройуоннарыттан 20-чэ педагог тутта.
Өрөспүүбүлүкэ бырабыыталыстыбатын бэрэссэдээтэлин солбуйааччы Анатолий Семенов үүнэр көлүөнэ сайдыытыгар эбии үөрэх тиһигэ улахан кылааттааҕын бэлиэтээтэ.
«Биһиэхэ 1,3 тыһыынчаттан тахса тэрилтэ, 9,6 тыһыынча исписэлиис араас бырагыраамаларынан 175 000 оҕону хабан үлэлиир. Бу чахчы улахан көрдөрүүлэр. Биһиэхэ 7 тыһыынчаттан тахса үөрэх бырагыраамата баар. Биһиги оҕолорбут Россия, регион уонна тас дойдуларга ыытыллар куонкурустарга, күрэхтэһиилэргэ бириистээх миэстэлэри ылыллар. Музыкаттан, уруһуйтан, үҥкүүттэн саҕалаан бырагырааманы оҥорууга, робототехникаҕа тиийэ хайысхалары сайыннарабыт. Аны үс сыл устата пилота суох көтөр аппарааттар хайысхаларын көхтөөхтүк киллэрдибит», — диэн Анатолий Семенов иһитиннэрдэ.
Саха сирин үөрэҕин уонна наукатын министрэ Нюргуна Соколова тыл этиитигэр инфраструктура сайдыытын уонна үөрэх тиһигэр саҥа бырайыактарын туһунан кэпсээтэ. «Кэнники сылларга эбии үөрэхтээһин саҥа инфраструктурата тэрилиннэ. Бу оҕолорго 4152 саҥа миэстэ, 451 «Точка роста», 4 цифровой үөрэхтээһин киинэ, 6 оскуола «Кванториума» уонна 18 тэрилтэҕэ 200 чаастаах авиационнай систиэмэлэринэн анал кылаастар тэрилиннилэр. Спордунан дьарыктанар материальнай-техническэй база 284 тэрилтэҕэ саҥардылынна», — диэтэ.
Тэрээһиҥҥэ «ПрофГид-2025» профориентационнай быраактыкалар өрөспүүбүлүкэтээҕи куонкурустарын кыайыылаахтара бэлиэтэннилэр.
