17 От ыйа 17.07
  • 19°
  • $ 88,28
  • 96,26

Дьокуускайга аммалар түмсүүлэрэ биир дойдулаахтарыгар көмөлөһөр үлэни тэрийэллэр

15:50, 13 мая 2018
Текст:
Читайте нас на
Яндекс Новости
ЯДВ
Дьокуускай куоракка олорор аммалар, улуустарыттан төһө да тэйиччи буоллаллар, халаан уутугар түбэспит биир дойдулаахтарыгар күүстээх көмөнү оҥороллор.

Дьокуускайга тэриллибит ыстаап бэйэтин үлэтин ыам ыйын 11 күнүттэн саҕалаабыта. Сүрүн сыалынан нэһилиэнньэҕэ кырдьыктаах информация тахсыытын хааччыйыы, ууга барбыт ыал  докумуоннарын сөптөөхтүк толороллоругар юридическэй көмөнү оҥоруу, көмө харчы хомуллуутугар көмөлөһүү, ону сэргэ таҥас-сап, бородуукта, тутуу матырыйаалларын хомуйууга үлэлэһии, халаан саахалын туоратыыга, көмөнү хомуйууга волонтер үлэтин тэрийии буолар.

Ыстаап Дьокуускай куоракка Короленко уулуусса 25 нүөмэригэр баар. Бүгүҥҥү  туругунан дьон-сэргэ бэйэтин көмөтүн аҕала турар. Олор истэригэр биир дойдулаахтарбыт  эрэ буолбакка, атын улуус дьоно, тэрилтэлэр, биэдэмистибэлэрр эмиэ бааллар. Онон чахчы  да аммалар биир санааланан, түмсүүлээхтик үлэлээн, буолбут балысхан халааны дьоммут-норуоппут өйөбүллэринэн этэҥҥэ туоруурга эрэллээхпит.

Ааптар: Наталья Бубякина, Улусмедиа 

Следите за самым важным и интересным в Telegram-канале и WhatsApp-группе ЯСИА