Сайын Дьокуускайга 58 оҕо лааҕыра тэриллиэ. Барыта 6 808 оҕону хабар сорук турар. Бу туһунан Дьокуускайдааҕы үөрэх салаатын салайааччы Алексей Семенов иһитиннэрдэ.
«50 күнүскү лааҕырга уопсайа 5 276 оҕо хабыллыа, биэс куорат таһынааҕы лааҕырдарга 1 150 оҕо дьарыктаныа, үс үлэ уонна сынньалаҥ лааҕырыгар 380 итиэннэ 512 оҕо аҕыс туристическай айаҥҥа турунуохтара», — диэтэ Алексей Семенов.
Итини таһынан 12 000 оҕону олорор сирдэринэн эбии үөрэхтээһининэн хабыахтара.
Былырыын коронавирус дьаҥынан сибээстээн Дьокуускайга лааҕырдар үлэлээбэтэхтэрэ. Тэйиччиттэн үлэ көрүҥэ туһаныллыбыта.
This post was published on 15.04.2021 11:04 11:04