22 От ыйа 22.07
  • 26°
  • $ 88,02
  • 96,04

Дойдуга 900-тэн тахса оскуола сабылынна

18:02, 17 января 2017
Текст:
Читайте нас на
Яндекс Новости
ЯДВ

Роспотребнадзор салайааччыта Анна Попова РИА Новости иһитиннэрбитинэн, дойду 52 регионугар кирииптээһин уонна тымныйан ыалдьыы элбээбит. Оттон Тамбовскай, Брянскай уобаластарга, Тыва Өрөспүүбүлүкэтигэр эпидемиологическай боруогу 200 бырыһыан куоһарбыт.


Оскуола иннинээҕи саастаах оҕо ыалдьыыта ордук хото 38 субъекка, үөрэнээччиччилэр ыалдьыылара 26 региоҥҥа бэлиэтэнэр. Тымныйан ыалдьыыттан, кирииптээһинтэн барыта 900-тэн тахса оскуола, 15 оҕо уһуйаана сабыллыбыттар. Роспотребнадзорга эппиттэринэн, кирииптээһинтэн быһыыны ылбыттар 3,5 бырыһыаннара эрэ ыарыыга хаптарбыт.

Санатар буоллахха, кирииптээһин уонна тымныйан ыалдьыы элбээбитинэн, өрөспүүбүлүкэ киин куоратын бары оскуолаларыгар тохсунньу 16-тан 23 күнүгэр диэри 1 – 11 кылаастарга үөрэх тохтотулунна.

Санитарнай, эпидемияны утарар хамыыһыйа кэлэр мунньаҕа тохсунньу 23 күнүгэр буолуоҕа.

Следите за самым важным и интересным в Telegram-канале и WhatsApp-группе ЯСИА