20 От ыйа 20.07
  • 19°
  • $ 88,02
  • 96,04

Дойду сүрүн саҥа дьыллааҕы харыйатын Подмосковьеҕа Щелковскай оройуоҥҥа кэртилэр

12:24, 17 декабря 2018
Текст:
Читайте нас на
Яндекс Новости
ЯДВ

Москваҕа Кириэмили киэргэтиэхтээх Арассыыйа сүрүн саҥа дьыллааҕы харыйатын Подмосковье Щелковскай оройуонун сиригэр-уотугар “Москватааҕы үөрэтэр-уопутунай лесничествотыгар” кэртилэр. Харыйаны суулларыыга Арассыыйа Бэрэсидьиэнин дьыалаларын сүрүн эксплуатациялааһыҥҥа управлениетын начаалынньыгын солбуйааччы Анатолий Качанов старт биэрдэ, диэн ТАСС кэрэспэдьиэнэ иһитиннэрдэ.


Быйыл 18-с төгүлүн Бүтүн Арассыыйатааҕы харыйаны тэрийэбит уонна ыытабыт. Сүрүн харыйаҕа дойду үрдүнэн 6 тыһыынча кэриҥэ оҕону мустубут. Калининградтан саҕалаан Владивостокка тиийэ. Бу тэрээһин сүрүн чааһыттан биирдэстэрэ – Кириэмилгэ Соборнай болуоссакка харыйаны талан, аҕалыы«, — диэтэ Качанов.

Управление начаалынньыга бэнидиэнньиккэ харыйаны тиэйэргэ анаан бэлэмниэхтэрэ, оттон оптуорунньукка Кириэмилгэ аҕалыахтара. Москваны уопсайа 500 кэриҥэ саҥа дьыллааҕы мас киэргэтиэ диэн эбэн эттэ. “Биһиги Спасскай башня нөҥүө аҕалыахпыт, башня сылга иккитэ эрэ аһыллар: ыам ыйын 9 күнүгэр оборона миниистирэ параадка айанныырыгар уонна иккиһин – харыйаны тиэйэрбитигэр. Уон чааска бу харыйаны Спасскай аанынан аһарыахпыт”, — диэн харыйа айанын туһунан Качанов иһитиннэрдэ.

Москва уобалаһын бырабыыталыстыбатын бэрэссэдээтэлин солбуйааччы, Москва уобалаһын экологиятын уонна айылҕа харыстабылын миниистирэ Дмитрий Куракин бэлиэтээбитинэн, “Ойуур куонкуруһун” полуфиналыгар Подмосковье 30 тахса маһа тахсыбыта. “Финалга бу дойду сүрүн харыйатынан буолуохтаах 100 саастаах кэрэ харыйа кыайбыта. Харыйаны 2 тыһ. саҥа дьыллааҕы оонньуурунан симиэхтэрэ, 1,5 км усталаах гирлянданы ыйыахтара”, — диэн Куракин чопчулаата.

СИА.

Следите за самым важным и интересным в Telegram-канале и WhatsApp-группе ЯСИА