Чурапчы оройуонун Хатылы нэһилиэгэр бөһүөлэктэр икки ардыларынааҕы гаас турбатын тутуута бара турар. 2024 сылга дэриэбинэ олохтоохторун дьиэлэрин толору гааһынан хааччыйыахтара. Бээтинсэҕэ үлэ хаамыытын кытта Саха сирин баһылыга билистэ.
«Быйыл гаас 38 дьиэҕэ киириэҕэ. Эһиил нэһилиэк толору гааһынан хааччылыаҕа. Нэһилиэк олохтоохторугар бу улахан үөрүү», — диэн Айсен Николаев телеграм-ханаалыгар иһитиннэрдэ.
Регион баһылыга итини сэргэ ааспыт сыл түмүгүнэн Чурапчы улууһа чааһынай дьиэлэргэ гааһы киллэриигэ бастыҥ көрдөрүүлээҕин бэлиэтээтэ. Быйыл гааһы 334 дьиэҕэ киллэриэхтээхтэр.
