3 От ыйа 03.07
  • -7°
  • $ 104,68
  • 115,6

Чурапчы Чакырыгар кэлбит мөлтөх хаачыстыбалаах оту атыылааччы босхо уларытар буолла

15:05, 10 ноября 2021
Текст:

Амур уобалаһыттан Чурапчы Чакырыгар мөлтөх хаачыстыбалаах оту аҕалбыттарын туһунан сонун Интернет ситимигэр киэҥник тарҕаммыта. Мантан сылтаан, Чурапчы улууһун тыа хаһаайыстыбатыгар салалтата оту бэрэбиэркэлээн көрдө, уонна кэлбит от хаачыстыбата, чахчы, дуогабардаспыт от таһымыгар эппиэттээбэт диэн быһаарда. Бу туһунан Саха сирин тыа хаһаайыстыбатын министиэристибэтэ биллэрдэ.

 Улуустааҕы тыа хаһаайыстыбатын салалтата биллэрбитинэн, биир туонна оту 5000 солк. ылбыттар. Кэлбит баартыйа олоччу дуогабарга сөп түбэспэт намыһах хаачыстыбалаах диэн быһаарылынна. Онон оту атыылааччы бэйэтин суотугар оту уларытыахтаах диэн буолла.

«Сүөһүнү-сылгыны этэҥҥэ кыстатар туһугар үлэлэһэр суһал штаб хас биирдии улууска баар. Бу штаб Саха сиригэр тас регионнартан киирэр от хаачыстыбатын хонтуруоллуур. Биллэрин курдук, быйыл сайын дэлби кураан туран, элбэх улуус отун үүнүүтэ быстар мөлтөх. Онон тас регионнартан оту аҕаларга көмө харчыга диэн тыа хаһаайыстыбатын министиэристибэтигэр элбэх сайаапка киирбитэ», — диэн биэдэмистибэҕэ биллэрдилэр.

Барыта 28 тыһ. туонна оту, быйылгы кыстык былаанынан, республика үрдүнэн таһыахтаахатар, мантан 10 тыһ. туонната тас регионнартан кэлиэхтээх. Улуус салалталара, бааһынай хаһаайыстыбалар атын улуустары, Забайкаал кыраайы, Магадан уонна Амур уобаластарын кытары дуогабардаспыттара.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар