Өлүөхүмэҕэ 6 саастаах кыыс оҕо Өлүөнэ өрүскэ муус анныгар түһэн олоҕо быһынна. Билигин бу тула силиэстийэлиир уорганнар быһаарар, чопчулуур үлэлэрэ бара турар.
Бэҕэһээ, муус устар 24 күнүгэр киэһэ 17.00 чаас саҕана 6 уонна 7 саастаах кыргыттар өрүс кытыытыгар тааһы мууска быраҕа оонньообуттар, онтон мууска киирбиттэр. Чараас муус уйбакка, кыргыттар ууга түспүттэр. 7 саастаах кыыс бэйэтэ өрүс кытыытыгар тахсыбыт, онтон 6-лаах кыыс тимирбит.
Бу сарсыарда 11.00 чаас саҕана ууга былдьаммыт кыыс өлүгүн быһылаан буолбут сириттэн 100 м сиргэ буллулар.
Бүгүҥҥү туругунан силиэстийэлиир уорганнар бэрэбиэркэни ыыталлар.
