РФ Бырабыыталыстыбата электроннай носителлээх саҥа көлүөнэ кыраныысса таһынааҕы пааспары оҥотторууга пошлина кээмэйин 3,5 тыһыынчаттан 5 тыһ солкуобайга диэри үрдэтиини өйөөтө, диэн миниистирдэр кэбиниэттэрин саайтыгар суруллар.
“Сокуон барылынан, чуолаан, саҥа көлүөнэ кыраныысса таһыгар тахсар пааспары, суоппар национальнай дастабырыанньатын, тырааныспар сириэстибэтин судаарыстыбаннайдык регистрациялааһын пошлиналарын кээмэйин дьиҥнээх ороскуотугар сөп түбэһиннэрэргэ уонна саҥа көлүөнэ тырааныспар сириэстибэтин регистрациялааһын туһунан сибидиэтэлистибэни биэриини кытта сибээстээх атын регистрациялыыр дьайыылары оҥорууга уларытыылары киллэрэргэ этиллэр”, — диэн иһитиннэриигэ суруллар.
Бырайыакка пластиковай матырыйаалтан сибидиэтэлистибэни биэрэн, тырааныспар сириэстибэтин судаарыстыбаннайдык регистрациялатыы иһин пошлина кээмэйин 1,5 тыһ солкуобайынан олохтуурга этиллэр. Национальнай водительскай дастабырыанньаны биэрии пошлината 3 тыһыынча солкуобай кээмэйдээх буолуоҕа.
Миниистирдэр кэбиниэттэрин санаатынан, судаарыстыбаннай пошлиналар кээмэйдэрин улаатыннарыы саҥа көлүөнэ докумуоннары олоххо киллэриигэ инфраструтураны тэрийиигэ федеральнай бүддьүөт ороскоутн сороҕун сабар кыаҕы биэриэҕэ.
СИА.
