19 От ыйа 19.07
  • 21°
  • $ 87,88
  • 96,1

Быйыл эмиэ ойуур уота эрдэттэн көрдүгэнниир чинчилээх

21:11, 24 апреля 2018
Текст:
Читайте нас на
Яндекс Новости
ЯДВ

Ааспыт сайын ойуур фондатыгар киирэр сиргэ 634 уот туран, 1608990,44 гектар иэннээх сири сиэбитэ. Саамай элбэх уот Уус Алдаҥҥа (53), Бүлүүгэ (32), Намҥа (27), Горнайга (26), Дьокуускайга (25) көрдүгэннээбитэ. Оттон саамай элбэх ойуур Бүлүүгэ (88470,1 гектар), Үөһээ Бүлүүгэ (33888,5 гектар), Горнайга (12730,2 гектар), Намҥа (11356,5 гектар), Кэбээйигэ (5534,91 гектар) былдьаммыта.

Ойуур уотуттан хоромньу 211,1 мөл. солк. харчыга тэҥнэһэр. Ити иһигэр 205,3 мөл. солк. кээмэйдээх 4,4 мөл. куб. м мас, ону таһынан 723 гектарга 5,8 мөл. солк. кээмэйдээх үнүгэс күл-көмөр буолбуттара. Өрөспүүбүлүкэ үрдүнэн кэтээн көрүүгэ уонна уоту умуруорууга 559 мөл. солк. ороскуоттаммыта.

Ыксаллаах быһыы-майгы министиэристибэтин кэтээн көрүү үлэтигэр управлениета бигэргэтэринэн, уот 71,7 бырыһыана чаҕылҕантан, 21 бырыһыана дьон дьалаҕайыттан барар. Бэрэбиэркэ түмүгүнэн,  уот туруутугар 22 киһи буруйдааҕа дакаастанан, 1 киһиэхэ холуобунай дьыала көбүтүлүннэ, 21 киһи административнай эппиэтинэскэ тардылынна. Балартан 2 тэрилтэ салайааччыта 50-нуу тыһ., атыттар 5-тии тыһ. солкуобайдаах ыстараабы төлөөтүлэр.

Былырыын ойуур иниспиэктэрдэрэ 1295 рейдэни тэрийбит буоллахтарына, Ойуур сыһыаннаһыытыгар департамент быйыл 1350 рейдэни былаанныыр. Халлааммыт быйыл даҕаны бэс ыйыгар кураанныыр уонна от ыйыгар лаппа куйаарар чинчилээх. Ыам ыйыгар Дьокуускай тулата уонна киин, илин эҥээрдээҕи, Бүлүү сүнньүнээҕи улуустар хаартан олоччу босхолонуохтара. Онон ойуурга сынньана тахсааччылар уонна кусчуттар-хаасчыттар, сэрэхтээх буолуҥ, уотунан оонньоомоҥ, күөх тыабытын харыстааҥ!

(Ойуур уотун, өртөөһүн тустарынан “Саха сирэ” хаһыат муус устар 25 күнүнээҕи таһаарыытыгар сиһилии ааҕан билсиҥ).

Василий НИКИФОРОВ, edersaas.ru

Следите за самым важным и интересным в Telegram-канале и WhatsApp-группе ЯСИА