Бүгүн, бэс ыйын 30 күнүгэр, Дьокуускайга 202 микрооройуоҥҥа сөтүөлүүр сир арыллар. Пляж арыллыыта куорат мэра Евгений Григорьев сорудаҕынан түргэтээтэ, иһитиннэрдэ МУП «СТО» салайааччыта Роман Евсеев.
Евсеев эппитинэн, бэҕэһээ регионнааҕы Роспотребнадзор көҥүлэ бэрилиннэ. Сөтүөлүүр уу уонна пляж территорията санитарнай-эпидемиологическай нуормаҕа эппиэттиир.
Ууга сэрэхтээх буолууга анаан буйкалар туруорулуннулар. Аҕыс быыһааччы дьуһуурустубалыаҕа, анал үөрэҕи аастылар.
Пляжка киирии — 203 микрооройуонунан уонна киин аанынан баар. Туалет үлэлиир, сотору «лежактар» туруоруллуохтара. Үлэлиир бириэмэтэ күн аайы, 9:00 — 21:00 чааска.
