26 От ыйа 26.07
  • 20°
  • $ 85,41
  • 93,17

Бэс ыйын 17 күнэ. Дирижер Кривошапко, учуонай Атласов, тустуук Андросов - Бикипиэдьийэ

09:02, 17 июня 2020
Текст:
Читайте нас на
Яндекс Новости
ЯДВ

Бэс ыйын 17 күнэ — Аан дойдуга кумах куйаар тарҕаныытын уонна курааны утары охсуһуу күнэ. Оттон бу күн 2009 сылаахха Саха сиригэр СӨ Төрүт сокуонун преамбулатыгар уонна бастакы ыстатыйатыгар уларытыылар киирбиттэр. Быйыл РФ Конституциятыгар көннөрүүлэри киллэриигэ куоластааһын от ыйын 1 күнүгэр буолар.


🔹1631 — Ииндийэҕэ Шах Дьаһан падишах ойоҕо Мүмтаз Махал оҕо төрөөрү өлбүт. Падишах 17 сыл тухары кини мавзолейын Тадж Махалы туттарбыт.

🔹1885 — Көҥүл статуята Франция норуотун бэлэҕэ буолан Нью-Йорк куоратыгар кэлбит.

🔹1923 — Айааҥҥа Степан Вострецов хамаандалаах кыһыл этэрээтэ киирэр, гарнизон бэринэр.

🔹1929 — 1927-1929 сс. Булуҥ уокуругар үлэлээбит Илья Винокуров Булуҥ уокуругун кэмитиэтин аатыттан Махтал сурук туппут. Бу сылларга салайааччы соругунан хоту уокурукка ас-үөл маҕаһыыннарын, ас-таҥас базаларын тэрийии, хоту өрүстэр ыккардыларыгар муоранан таһаҕас тиэйиитин тэрийии, булчуттары чэпчэки сыаналаах саанан-саадаҕынан хааччыйыы, культура базаларын, оскуолалары, балыыһалары арыйыы буолбута.

🔹1944 — Егор Алексеев (1925 с.т.) — Иккис Аан дойду сэриитин кыттыылааҕа, учуутал, Баппаҕаайы кыраайы үөрэтээччитэ аармыйаҕа ыҥырыллыбыт.

🔹1944 — Данияттан тутулуктаах Исландия хоруоллуга туспа өрөспүүбүлүкэ буолбут.

🔹1950 — Чикаго куоратыгар хирург Ричард Лоулер (Richard Lawler) устуоруйаҕа бастакы бүөр көһөрүүтүн оҥорбут.

🔹1953 — ГДР-га политическай кризис буолбут.

🔹1967 — суруйааччы Софрон Данилов Ойуунускай аатынан Судаарыстыбаннай бириэмийэни ылбыт.

🔹2009 — СӨ Төрүт сокуонун преамбулатыгар уонна бастакы ыстатыйатыгар уларытыылар киирбиттэр.

🔹2010 — Егор Борисов Саха Өрөспүүбүлүкэтин бэрэсидьиэнэ буолбут.

Төрөөбүттэр:

🔸1916 — дирижер, РСФСР искусствотын үтүөлээх диэйэтэлэ, РСФСР уонна Саха АССР үтүөлээх артыыһа, Ойуунускай аатынан Ил бириэмийэтин лауреата Галина Кривошапко төрөөбүт.

🔸1923 — Шамиль Мухамедьяров — түүр омуктарын орто үйэтинээҕи устуоруйатын (ол иһигэр сахалары) үөрэппит биллиилээх чинчийээччи.

🔸1938 — Семен Атласов (20.10.2002 өлб.) — Саха сиригэр сүөһү иитиитигэр 1979 сыллаахха диссэртээссийэ көмүскээбит чинчийээччи, устуоруйа билимин хандьыдаата.

🔸1947 — Владимир Андросов — эдэр сааһыгар суох буолбут чаҕылхай тустуук, САССР, ССРС спордун маастара.

Өлбүттэр:

🔹1986 — Өлүөнэ өрүскэ хапытаан көмөлөһөөччүтүнэн үлэлээбит Георгий Ерохин — Албан аат уордьанын толору кавалера.

Санатабыт, сахалыы Бикипиэдьийэҕэ бириистээх күрэстэр ыытылла тураллар, кыттыҥ! Сиһилии https://sakha.ysia.ru/t-r-sette-bikipiedijete-k-res-yytar-kytty/

https://sah.wikipedia.org/wiki/Мухамедьяров_Шамиль_Фаттыхович

https://sah.wikipedia.org/wiki/Бэс_ыйын_17

https://sah.wikipedia.org/wiki/Ерохин_Георгий_Алексеевич

https://sah.wikipedia.org/wiki/Исландия

https://sah.wikipedia.org/wiki/Айаан

https://sah.wikipedia.org/wiki/Ойуунускай_аатынан_Судаарыстыбаннай_бириэмийэ

https://sah.wikipedia.org/wiki/Саха_Өрөспүүбүлүкэтин_Төрүт_Сокуона

https://sah.wikipedia.org/wiki/Винокуров_Илья_Егорович

https://sah.wikipedia.org/wiki/Алексеев_Егор_Сидорович

https://sah.wikipedia.org/wiki/Андросов_Владимир_Петрович

Следите за самым важным и интересным в Telegram-канале и WhatsApp-группе ЯСИА