Горнай улууһун Бэрдьигэстээҕэр спортивнай комплекс аһылынна. Саҥа эбийиэк «Демография» национальнай бырайыак чэрчитинэн «Спорт — норма жизни» федеральнай бырайыагынан тутуллубут. Манна бу сайын XXI-с «Манчаары оонньууларын» күрэхтэһиилэрэ ыытыллыахтара.
2 478 кв. м иэннээх комплекска волейбол, мини-футбол, баскетбол саалалара, бокса хоһо, тренажернай саала бааллар. Оонньуур саалаҕа 400 көрөөччү киирэр кыахтаах.
Улуус баһылыга Никита Андреев Оонньуулары көрсө 3000 миэстэлээх стадион итиэннэ ытыы комплекса аһыллалларын иһитиннэрдэ.
