Саха сиригэр 280 устудьуоҥҥа анал стипендия олохтонно, кинилэр байыаннай сулууспалаах дьиэ кэргэн оҕолоро буолаллар. Маны сэргэ анал байыаннай дьаһал кыттааччытын чилиэннэрин кытта үөрэххэ сыаллаах дуогабар түһэрсиигэ быһаарыы ылылынна.
Быһаарыы туһунан брифинг кэмигэр үөрэх миниистирин бастакы солбуйааччыта Михаил Присяжнай иһитиннэрдэ диэн, суруйар СИА. «Ааспыт сыл күһүнүгэр анал байыаннай дьаһал кыттыылаахтарын устудьуон оҕолорун өйүүр сыаллаах миэрэлэр регион таһымыгар ылыллыбыттара. Билигин 280 устудьуон стипендия ылар, олортон 198 колледжтарга уонна техникумнарга, 82 — үрдүк үөрэх кыһатыгар үөрэнэллэр», — диэтэ Михаил Присяжнай.
Маны сэргэ байыаннай сулууспалаах дьиэ кэргэниттэн оҕону үөрэтиигэ сыаллаах дуогабар түһэрсиитэ баар, региоҥҥа. Барыта 102 быһаарыы ылылынна. «Манна үөрэниигэ судаарыстыбаттан компенсация эрэ ылыыта буолбатах. Эбии стипендия, үөрэҕэр барыы-кэлии төлөбүрэ, үөрэҕин бүтэрдэҕинэ үлэнэн хааччыйыы», — диэтэ миниистир солбуйааччыта. Кини эппитинэн, маннык миэрэни биэриигэ үрдүк үөрэх тэрилтэтин ахсаана эбилиннэ. Испииһэккэ Рязанскай, Орловскай уобаластар, Томск, Владивосток, Екатеринбург, Дьокуускай колледжтара, Ленскай, Мииринэй, Алдан, Нерюнгри, ол иһигэр судаарыстыбаннай суох үөрэх кыһалара бааллар.
