18 От ыйа 18.07
  • 17°
  • $ 88,09
  • 96,3

Баайаҕалар саҥа тутуллубут спортивнай саалаларын инвентарынан хааччыйаллар

Читайте нас на
Яндекс Новости
ЯДВ

Баайаҕаҕа култуурнай-спортивнай саала үөрүүлээх аһыллыыта буолла. «Бу дьиэ толору сыалын-соругун ситтин, нэһилиэк, улуус, өрөспүүбүлүкэ таһымнаах тэрээһиннэр үрдүк таһаарыылаахтык ыытыллыахтара диэн бигэ эрэллээхпин«, — диэн бэйэтин инстаграм-сирэйигэр суруйда Саха Өрөспүүбүлүкэтин үтүөлээх артыыһа Иннокентий Луковцев.


«Бу сырдык уораҕайга, кулууп, дьаһалта, библиотека көһөн киирэннэр үөрүүлэрэ муҥура суох. Аны туран спортивнай инвентарьга өрөспүүбүлүкэбит араас муннуктарыгар олорор дьоммут, нэһилиэк дьоно 118 000 солк кэриҥэ үбү харчыны хомуйан, икки теннис остуола, гиирэлэр, гантеллар, футбол, волейбол мээчиктэрэ, фитнес саалга сөптөөх инвентардьдары, саахымат, дуобат дуоскаларын, хабылык, хаамыска курдугу атыылаһан орун-оннугар буолла. Ону таһынан Баайаҕаттан төрүттээх урбаанынан дьарыктанар уолаттар, кыргыттар уонна бильярдыыр эр дьон 245 000 солк хомуйан, сабыс-саҥа бильярд остуолун Новосибирскайтан ылларан, билигин остуол айаннаан иһэр. Бары кыттыспыт дьоҥҥо махталбыт муҥура суох. Өрүү бу курдук сырдык санаанан салайтаран иннибит диэки эрэллээхтик бары бииргэ буолуоххайыҥ. Төрөөбүт дойдубут, түөлбэбит, үүнэ-сайда чэчирии турдун баараҕай тутууларынан. «Барыбыт туһугар — Баайаҕабыт туһугар» диэн бэргэн этиинэн салайтара, түмсүүлээх буола туруоҕуҥ!«, — диэн суруйда Саха тыйаатырын артыыһа Иннокентий Луковцев.

#миндойдумБаайаҕа

Следите за самым важным и интересным в Telegram-канале и WhatsApp-группе ЯСИА